У тым, што тычыцца харчавання дзяцей у школах, устаноўлены даволі строгі кантроль і за якасцю прыгатавання, і за складам гэтага харчавання, таму небяспекі для здароўя дзяцей няма ніякай, сказаў на радыё Sputnik Беларусь загадчык прыёмнага аддзялення 3-й дзіцячай бальніцы Мінска Дзмітрый Часноў.
"Небяспекі тут ніякай не бачу, і нават наадварот, школьнае харчаванне ўяўляе дыетычнае харчаванне, а ўжо ўсё астатняе давайце паглядзім, а як дзіця кармілася дома, да чаго яно прывучана — да гэтых вынаходстваў, да дэлікатэсаў. Тады, вядома, яно не будзе з задавальненнем есці пюрэ бульбяное, калі яно прывыкла да бабуліных дранікаў са смятанкай", — адзначыў Часноў.
У той жа час, па словах педыятра, праблемнай тэмай могуць быць школьныя буфеты ў тым выпадку, калі дзіця, маючы грошы на кішэнныя расходы, можа само купіць сабе што захоча. У гэтай сітуацыі, на жаль, у школьных буфетах часам можна знайсці і тое, што не карысна для дзіцячага арганізма. Фрагмент гутаркі з загадчыкам прыёмнага аддзялення 3-й дзіцячай бальніцы Мінска Дзмітрыем Часновым слухайце на радыё Sputnik Беларусь.
