На выставе ў Нацыянальным мастацкім музеі Беларусі прадстаўлена 110 малюнкаў і акварэляў Напалеона Орды са збору Нацыянальнага музея ў Кракаве, геаграфія якіх ахоплівае рэгіёны ад Беластока, Гродна і Вільні да Віцебска, Магілёва і Гомеля.
Юлія Лісай распавяла, што Напалеон Орда ў сваім лісце да Ігната Дамейкі сказаў, што замаляваў рэшткі цывілізацыі вялікай краіны, якая раней існавала — Рэчы Паспалітай.
Па яе словах, творчасць мастака можна разглядаць як маляваную гісторыю, якая складаецца не толькі з архітэктуры. Напалеона Орду ў першую чаргу цікавілі людзі і падзеі, з імі звязаныя.
Глядзіце на відэа Sputnik, як цэнзура зацвярджала малюнкі, што выкрэслівала і што хацеў сказаць Напалеон Орда сваім вялікім мастацкім праектам.
