Кірмаш беларускіх тавараў адкрыецца падчас Дзён Мінска ў Маскве

© Sputnik / Артем Житенев / Перайсці ў медыябанкВыстава-кармаш, архіўнае фота
Выстава-кармаш, архіўнае фота - Sputnik Беларусь
Падпісацца на
НовостиTelegram
На гэты час запланаваны шэраг мерапрыемстваў, як дзелавых, падчас якіх плануецца падпісанне шэрагу пагадненняў, так і культурных.

МІНСК, 5 кас — Sputnik. Кірмаш і шырокая культурная праграма пройдуць у Маскве ў рамках Дзён Мінска з 10 па 11 кастрычніка, паведаміў дэпартамент знешнеэканамічных і міжнародных сувязяў расійскай сталіцы.

Палац у Нясвіжы - Sputnik Беларусь
Выстава пра палац у Нясвіжы экспануецца ў Маскве

У ходзе мерапрыемстваў расійскую сталіцу наведае беларуская дэлегацыя. Госці ўскладуць кветкі да магілы Невядомага салдата і памятных пліт "Горад-герой Мінск" і "Брэсцкая крэпасць-герой".

Таксама госці Масквы сустрэнуцца з уладамі расійскай сталіцы, падчас візіту плануецца падпісанне шэрагу дакументаў, у прыватнасці, пра пастаўкі прадуктаў харчавання ў будучым годзе.

Кірмаш беларускіх тавараў разгорнецца на плошчы Рэвалюцыі. Таксама ў Маскве запланавана і шырокая культурная праграма, у рамках якой запланавана экспазіцыя, прысвечаная 950-годдзю Мінска. Яна раскажа пра станаўленне і развіццё беларускай сталіцы.

Таксама ў музычным тэатры "Гелікон-опера" 10 кастрычніка выступіць прэзідэнцкі аркестр Рэспублікі Беларусь.

У дзелавым і культурным комплексе пасольства РБ у Расіі на наступны дзень пройдзе форум дзелавога супрацоўніцтва дзвюх сталіц. Удзельнікі форуму абмяркуюць пытанні развіцця дзелавога супрацоўніцтва. Таксама запланавана правядзенне шэрагу круглых сталоў па пытаннях супрацоўніцтва медыцынскіх арганізацый гарадоў.

Дні Масквы і Мінска праводзяцца на пастаяннай аснове з 2012 года.

Стужка навiн
0