МІНСК, 19 кас — Sputnik. Беларускія спартсменкі Вера Лапко і Аляксандра Сасновіч сталі чвэрцьфіналісткамі Кубка Крамля.
У сераду, 18 кастрычніка, Лапко ў матчы супраць прадстаўніцы Аўстраліі Дар'і Гаўрылавай выйграла першы сэт 6:3. У другой партыі яна таксама вяла, аднак суперніца не змагла працягнуць матч з-за траўмы. У чвэрцьфінале Лапко пазмагаецца з румынкай Ірынай Камеліяй-Бегу.
Яшчэ адна беларуска Аляксандра Сасновіч у трохсэтавым паядынку перамагла францужанку Крысціну Младэнавіч. У чвэрцьфінале ёй трэба будзе згуляць з прадстаўніцай Расіі Дар'яй Касаткінай.
Цікава, што ў выпадку выйгрышу беларускія спартсменкі сустрэнуцца ў паўфінальным матчы.
Вера Лапко ў сераду яшчэ раз выйдзе на корт маскоўскага спарткомплексу "Алімпійскі", каб разам з расіянкай Анастасіяй Патапавай згуляць у матчы парнага разраду супраць венгерска-чэшскага дуэта Цімеа Бабош/Андрэа Главачкава.
