Афіша на выхадныя: куды пайсці 21-22 кастрычніка ў Мінску

© Photo : прадастаўлена гуртомБеларускі гурт "Петля пристрастия"
Беларускі гурт Петля пристрастия - Sputnik Беларусь
Падпісацца
"Петля Пристрастия" і Філіп Кіркораў, егіпецкі квэст або акварыўмныя рыбкі – Мінск прапануе ў гэтыя выхадныя самыя разнастайныя варыянты баўлення часу.

Мяркуючы па ўсім, цяпло ў гэтым годзе скончылася. Ва ўсякім выпадку, у гэтыя выхадныя надвор'е, мяркуючы па прагнозах, не занадта будзе спрыяць доўгаму шпацыру.

Гэта значыць, трэба шукаць альтэрнатыўныя забавы і ўражанні. Sputnik падабраў некалькі варыянтаў.

"Петля Пристрастия"

Адзін з самых модных беларускіх гуртоў апошняга часу "Петля Пристрастия" зайграе ў гэтую суботу вялікі сольны канцэрт у клубе Re:Public. Апошняя плытка каманды, якая грае індзі-рок, узяла адразу чатыры ўзнагароды на музычнай прэміі, якую штогод праводзіць сярод музыкаў партал Expert.by. А іх папярэдніх альбом "Фобос" быў прызнаны лепшым рэлізам 2013 года па версіі расійскага часопіса "Афіша".

Петля пристрастия на прэміі Rock Profi-2017 - Sputnik Беларусь
На Rock Profi 2017 перамог гурт "Петля пристрастия"

На канцэрце ў Re:Public "Петля Пристрастия" абяцае выканаць лепшыя хіты з ранейшых альбомаў і, магчыма, парадаваць прэм'ерай. Кошт квіткоў ад 20 рублёў.

Павіншаваць Кіркорава

Зусім іншая музыка і сэнсы будуць гучаць вечарам у суботу ў "Мінск-Арэне". 

Тут сваіх прыхільнікаў разлічвае сабраць Філіп Кіркораў, які вязе ў Мінск сваё шоу "Я". Арганізатары запэўніваюць, што грандыёзная пастаноўка ад Франка Драгоне, рэжысёра спектакляў для Cirque du Soleil, стала яшчэ больш відовішчнай. Прэм'ера праграмы адбылася год таму, цяпер яна дапоўнена новымі песнямі і нумарамі.

Кіркораву сёлета споўнілася 50, таму тур прадстаўлены як юбілейны. Адпаведна, у гледачоў, мяркуюць арганізатары, ёсць выдатная магчымасць гэтым паходам на канцэрт павіншаваць любімага выканаўцу. Кошт квіткоў ад 44 рублёў.

Квэст "Праклён Тутанхамона"

У суботу і нядзелю ў Мінску будуць шукаць капсулу з асколкам старажытнай маскі. Той, хто знойдзе і апублікуе фота з хэштэгам #ПроклятиеТутанхамона, атрымлівае шанец наблізіцца да галоўнага прыза — пуцёўкі ў Егіпет, а таксама атрымлівае два запрашальных квітка на выставу "Скарбы Старажытнага Егіпта", якая зараз экспануецца ў Нацыянальным мастацкім музеі.

Выстава Скарбы Старажытнага Егіпта ў Мінску, відэа - Sputnik Беларусь
Відэа
Што паглядзець на выставе "Скарбы Старажытнага Егіпта"

У музей можна будзе ісці адразу, а вось пуцёўку разыграюць сярод усіх фіналістаў квэста "Праклён Тутанхамона". Заданне трэба шукаць у спецыяльных групах Facebook, "УКантакце" і Instagram, там жа можна азнаёміцца з падрабязнымі правіламі ўдзелу.

Пачатак квэстаў у суботу і нядзелю ў 11:00.

"Восеньскі салон з Белгазпрамбанкам-2017"

У Мінску працягвае сваю працу "Восеньскі салон" — найбуйнейшая ў Беларусі выстава-продаж сучаснага мастацтва. Але салон — гэта не толькі экспазіцыя, гэта яшчэ і магчымасць пачуць мастакоў, мастацтвазнаўцаў, а таксама навучыцца чаму-небудзь самому.

Ледзь не кожны дзень у Палацы мастацтваў у межах салона праходзяць нейкія адукацыйныя мерапрыемствы. У прыватнасці, у суботу анансуюць майстар-клас па графіцы, пластычны перформанс і спектакль "Пупавіна" па п'есе Маі Тульчынскай "Страсці па канапе". У нядзелю адна з удзельніц выставы Ганна Белавус раскажа, што такое манапрынт і як яго рабіць.

Кошт уваходнага квітка 5 рублёў.

Рыбкі

Піранні, рэдкія прэснаводныя скаты, рыбы, дэльфіны, прэснаводныя акулы, велізарныя самы, казачныя залатыя рыбкі і многія іншыя. Арганізатары "Аквафорума-2017", які пройдзе ў суботу і нядзелю ў Палацы спорту, сцвярджаюць, што такога прадстаўніцтва воднай фауны Мінск яшчэ не бачыў.

Прычым на выставе будуць не толькі рыбы, але і жабы, трытоны, чарапахі, рэптыліі і нават хамелеоны! Акрамя ўласна выставы і стасункаў з прафесіяналамі, арганізатары абяцаюць і забаўляльную праграму: касцюмаванае шоу чарапах і шматлікія конкурсы.

кухня - Sputnik Беларусь
Мінскі повар прыняты ў Сусветную асацыяцыю лепшых шэф-павароў

Дзень кандытара

І на салодкае — свята ад вядомай кандытарскай фабрыкі, якое пройдзе ў суботу ў гандлёвым цэнтры "Бонус". Абяцаюць вясёлую забаўляльную праграму, дэгустацыі новай прадукцыі, гандаль цукеркамі па зніжаных коштах, падарункі для ўдзельнікаў конкурсаў і розыгрышаў.

Юных гасцей будуць сустракаць аніматары ў касцюмах Чырвонай Шапачкі і Мядзведзяняці. Пачатак свята ў 12:00.

Стужка навiн
0