МІНСК, 24 кас — Sputnik. Хакейны клуб "Дынама-Мінск" з буйным лікам прайграў падмаскоўнаму "Віцязю" ў выязным матчы Кантынентальнай хакейнай лігі (КХЛ).
У панядзелак у Падольску на арэне "Віцязь" аднайменная каманда прымала гасцей з Мінска ў рамках рэгулярнага чэмпіянату КХЛ. Сустрэча завяршылася перамогай гаспадароў — 4:0.
Вікторыю "Віцязю" прынеслі дакладныя кідкі Дзмітрыя Сёміна (11-я хвіліна, у большасці), Войцеха Мозіка (31) і Аляксея Макеева (38, у большасці; 47, у меншасці).
Мінчане пасля 24 гульняў размяшчаюцца на дзевятым месцы ў табліцы Заходняй канферэнцыі (31 ачко).
Наступны матч "зубры" правядуць у сераду ў Маскве супраць ЦСКА.
