Гімназіі і ліцэі пакінуць у Беларусі

© Sputnik / Виталий Тимкив / Перайсці ў медыябанкДзеці ў школе
Дзеці ў школе - Sputnik Беларусь
Падпісацца на
НовостиTelegram
У новай версіі Кодэкса аб адукацыі ліцэі і гімназіі як установы адукацыі застаюцца.

МІНСК, 25 кас — Sputnik. Новая версія Кодэкса аб адукацыі прадугледжвае наяўнасць і гімназій, і ліцэяў, заявіў у сераду журналістам старшыня Пастаяннай камісіі па адукацыі, навуцы і культуры Палаты прадстаўнікоў Беларусі Ігар Марзалюк.

Міністэрства адукацыі яшчэ летам раскрытыкавала гімназіі — на думку чыноўнікаў, дзеці ідуць туды не свядома, а дзеля амбіцый бацькоў, а адбор у падобныя ўстановы не да канца празрысты.

Парламентарыі выступаюць за захаванне гімназій. Як распавёў Марзалюк, у новай версіі Кодэкса аб адукацыі, які можа быць унесены ў парламент ужо да Новага года, падобныя формы ўстаноў адукацыі захоўваюцца.

Галоўны корпус БДУ - Sputnik Беларусь
Новы рэктар БДУ плануе аптымізаваць ВНУ

"Мы (парламентарыі і Мінадукацыі — Sputnik) хочам прыйсці да агульных тэм, падыскутаваць і вырашыць, як будуць выглядаць гімназіі ў будучыні", — распавёў Марзалюк, анансуючы парламенцкія слуханні па тэме адукацыі, якія пройдуць 29 лістапада.

Як адзначыў дэпутат, да некаторых гімназіях у Мінску сапраўды ёсць пытанні, аднак да рэгіянальных устаноў прэтэнзій ён не мае.

"Кажуць самі за сябе і лічбы: выпускнікі гімназій часам на парадак лепш здаюць Цэнтралізаванае тэставанне (ЦТ), чым звычайных школ. І справа не ў колькасці гадзін на прадметы — там іх не моцна больш, а ў матывацыі і вучняў, і выкладчыкаў", — адзначыў Марзалюк.

Мінадукацыі ўжо заявіла аб тым, што гімназіі ў Беларусі застануцца, аднак экзамены ў іх адменяць: вучыцца ў іх будуць па тэрытарыяльнай прыкмеце, то бок "па прапісцы". Зрэшты, да адабрэння дэпутатаў падобная ініцыятыва рэалізавана быць не можа. 

Стужка навiн
0