У чацвер, 26 кастрычніка, на сцэне Вялікага тэатра Беларусі знакаміты оперны спявак, народны артыст Грузіі Тэймураз Гугушвілі выканае партыю Каніё ў оперы Руджэра Леанкавала "Паяцы".
Напярэдадні сустрэчы з беларускай публікай "Залаты голас Грузіі" распавёў Sputnik, як ад лірычных партый перайшоў да драматычных, чаму застаўся жыць у роднай Грузіі і як вакальныя дадзеныя могуць адлюстроўваць характар выканаўцы.
"Вы калі-небудзь бачылі злога чалавека, які спяваў бы мякка або з вялікай любоўю? Гэтыя спевы — тое, што ўнутры, яно і выходзіць. А я слухаў вельмі многіх узрушаючых спевакоў розных пакаленняў", — кажа Гугушвілі.
Па словах знакамітага спевака, зараз у маладых выканаўцаў нашмат больш магчымасцяў рэалізаваць сябе, чым было ў яго пакалення ў савецкія часы.
"Пры Савецкім Саюзе з Тбілісі ў Маскву нельга было выехаць проста так. А цяпер куды хочаш — едзь. Калі ласка, на любое праслухоўванне. Тады выехаць на конкурс Чайкоўскага каштавала палову жыцця, а цяпер вялікія магчымасці, і моладзь больш адкрытая, чым маё пакаленне", — распавядае Гугушвілі.
Інтэрв'ю з народным артыстам Грузіі Тэймуразам Гугушвілі напярэдадні выступу ў Вялікім тэатры Беларусі слухайце на радыё Sputnik Беларусь.
