Міжнародны турнір па паяданні дранікаў пройдзе ў Мінску

МІНСК, 29 кас — Sputnik. У Мінску 4 лістапада на Чэрвеньскім рынку ў Лошыцы адбудзецца чэмпіянат па паяданні дранікаў, паведамілі Sputnik арганізатары.

Міжнародныя спаборніцтвы па паяданні дранікаў на хуткасць пройдуць па ініцыятыве сталічнага рынку. Пераможны вынік будзе занесены ў кнігу рэкордаў краін СНД і Балтыі "Дзіва".

Спаборнічаць у паяданні нацыянальнага фастфуду будуць 20 мужчын і 20 жанчын, сярод тых і другіх будзе вызначаны свой пераможца. Кожнаму трэба будзе з'есці 300 г дранікаў са смятанай (па жаданні).

Гасцей незвычайнага спаборніцтвы чакаюць зніжкі для пакупнікоў, кірмаш рамеснікаў, выступленне артыстаў, конкурс дзіцячага малюнка, танцавальны флэш-моб для дзяцей і дарослых, падарункі ўдзельнікам.