МІНСК, 2 ліс — Sputnik. Міжнародныя спаборніцтвы па паяданні дранікаў на хуткасць пройдуць 4 лістапада на Чэрвеньскім рынку ў Лошыцы, паведамілі Sputnik арганізатары.
"Удзельнікам спаборніцтва трэба будзе з'есці порцыю дранікаў з 5 штук вагой 300 грамаў. Дазваляецца абмакваць дранікі ў смятану і запіваць вадой", — распавялі арганізатары.
Спаборнічаць будуць прадстаўнікі 9 краін: Азербайджана, Арменіі, Беларусі, Ізраіля, Казахстана, Расіі, Польшчы, Украіны і нават Паўднёва-Афрыканскай Рэспублікі.
"На сённяшні дзень прыём заявак для мужчын скончаны. Для жанчын яшчэ ёсць некалькі вольных месцаў. Удзел бясплатны. Вынік будзе занесены ў кнігу рэкордаў краін СНД і Балтыі "Дзіва", — дадалі ў аргкамітэце.
Таксама ў праграме незвычайных спаборніцтваў зніжкі для пакупнікоў, кірмаш рамеснікаў, выступленне артыстаў, конкурсы для дзяцей і дарослых, падарункі ўдзельнікам і іншае.
Дзе: вуліца Маякоўскага, 184.
Калі: 4 лістапада.
Кошт: уваход вольны.
