МІНСК, 3 ліс — Sputnik. Выстава "Час жанчын" першапачаткова задумвалася як арт-інсталяцыя, яе закрыццё было запланаваным, заявілі Sputnik у Віцебскім Цэнтры сучаснага мастацтва.
Напярэдадні многія выданні паведамілі пра дзіўны экспанат на выставе "Час жанчын" — галаве Уладзіміра Леніна са студзіны ў межах праекта "12 нажоў у спіну рэвалюцыі" Анастасіі Ганчаровай.
Як стала вядома ў пятніцу, выставу ў Цэнтры сучаснага мастацтва зачынілі, там дэмантуюць усе арт-аб'екты. Шэраг выданняў звязалі гэта з экспанатам у выглядзе галавы Леніна.
"Выстава першапачаткова планавалася як арт-інсталяцыя. Яе закрыццё было запланаваным, зараз мы будзем рыхтаваць іншую экспазіцыю", — запэўнілі Sputnik у Цэнтры сучаснага мастацтва.
Закрыццё выставы з галавой Леніна ў Цэнтры звязваць не хочуць, а здагадкі з падобнай прычынна-следчай сувяззю назвалі інтэрпрэтацыямі.
У афіцыйных інтэрнэт-супольнасцях віцебскага ЦСМ інфармацыі аб датах правядзення праекта "Час жанчын" не было апублікавана, аднак на афішах мясцовых інтэрнэт-СМІ пазначана, што яна павінна была працягнуцца да серады.
