МІНСК, 3 ліс — Sputnik. Праект пагаднення аб узаемным прызнанні віз Расіяй і Беларуссю будзе абмяркоўвацца ў Мінску 8 лістапада, для чаго ў Мінск прыбудзе расійская рабочая група, паведаміў кіраўнік дэпартамента па міграцыі МУС РБ палкоўнік міліцыі Аляксей Бягун.
Беларусь і Расія для падрыхтоўкі праекта дакумента аб узаемным прызнанні віз і адзінай міграцыйнай прасторы стварылі спецыяльныя рабочыя групы. Першая сустрэча, на якой ішла падрыхтоўка дакумента, прайшла ў Маскве.
"8 лістапада прыедуць расійскія калегі, і мы абмяркуем шэраг пытанняў, якія засталіся няўзгодненымі пасля працоўнай сустрэчы ў Маскве", — сказаў Бягун.
Ён удакладніў, што ў расійскую рабочую групу ўваходзяць прадстаўнікі МУС, Мінтранса, ФСБ і іншых кампетэнтных органаў.
Па яго словах, яшчэ трэба ўзгадніць некалькі пунктаў праекта пагаднення, у прыватнасці аб даце ўступлення ў сілу пагаднення аб тэрмінах знаходжання на тэрыторыі Беларусі іншаземцаў з расійскай візай. Пры гэтым ён не сумняваўся ў тым, што да канца 2017 года дакумент будзе падпісаны.
"Ёсць палітычная воля, дакумент будзе падпісаны", — сказаў кіраўнік дэпартамента.
Адказваючы на пытанне пра рызыкі, якія могуць паўстаць пасля ўступлення дакумента ў сілу, Бягун адзначыў, што гэта "нелегальная міграцыя".
"Нам прыйдзецца мяняць фармат працы", — сказаў суразмоўца Sputnik, маючы на ўвазе меры аб папярэджанні нелегальнай міграцыі замежнікаў на тэрыторыі Саюзнай дзяржавы.
