https://bel.sputnik.by/20171104/ptushkaj-2018-goda-u-belarusi-stau-chornagalovy-shchygol-1031764449.html

Птушкай 2018 года ў Беларусі стаў чорнагаловы шчыгол

Птушкай 2018 года ў Беларусі стаў чорнагаловы шчыгол

Sputnik Беларусь

Гэтую кемліваю птушачку з яркім апярэннем любяць не толькі за спевы, але і за вясёлы нораў. 04.11.2017, Sputnik Беларусь

2017-11-04T09:59+0300

2017-11-04T09:59+0300

2017-11-04T11:49+0300

у беларусі

навіны

галоўнае

прырода

беларусь

ахова птушак бацькаўшчыны

чорнагаловы шчыгол

https://cdnn11.img.sputnik.by/img/103175/53/1031755372_0:235:2500:1641_1920x0_80_0_0_ed4d169eba2ec2f8cfb197ba0cccc828.jpg

МІНСК, 4 ліс — Sputnik. Грамадская арганізацыя "Ахова птушак Бацькаўшчыны" (АПБ) назвала птушкай 2018 года ў Беларусі чорнагаловага шчыгла (лац. Carduelis carduelis).Акцыя "Птушка года" АПБ праходзіць з 2000 года. У 2017 годзе галоўнай птушкай у краіне быў хахлаты жаўрук."У 2018 годзе будуць праведзены мерапрыемствы, прысвечаныя гэтай яркай і прыкметнай птушцы. Нацыянальны банк і "Белпошта" выпусцяць манету і марку з выявай птушкі года", — паведамілі Sputnik у пятніцу ў АПБ.Акрамя гэтага, шчыгол "угняздуецца" на фасадзе дома ў горадзе Карма — у 2017 годзе гэтая птушка стала афіцыйным сімвалам Кармянскага раёна.АПБ сумесна з партнёрам мае намер запусціць для моднікаў "птушыную" серыю світшотаў, і шчыгол стане першай птушачкай, намаляванай на вопратцы.GoldfinchРаспавядаючы пра шчагла, арнітолагі паведамілі, што гэта яркая і прыкметная птушка, англічане празвалі яе goldfinch — залаты ўюрок. Больш за ўсё шчыглы любяць віць гнёзды ў парках, садах. "З-за таго, што ў гарадах усё часцей высякаюць дрэвы, становіцца менш месцаў для гнездавання", — сказалі ў АПБ.Там таксама адзначылі, што застаецца і праблема катоў: гэтыя драпежнікі палююць і забіваюць многіх птушак, у тым ліку шчыглоў.Чорнагаловы шчыгол — гэта пявучая птушка сямейства ўюрковых атрада вераб'інападобных. Ён менш вераб'я: даўжыня яго цела — каля 12 сантыметраў, а маса — не больш за 20 грамаў.Прыгажун шчыголШчыглы вельмі таварыскія птушкі, яны зграйкамі пералятаюць з дрэва на дрэва ў пошуках смачных семак. Паміж сабой яны падтрымліваюць камунікацыю пры дапамозе звонкіх гукаў, і таму людзям здаецца, што шчыглы заўсёды ў добрым настроі.Кемлівых шчыглоў любяць не толькі за звонкі спеў — самыя адораныя птушкі валодаюць здольнасцю выводзіць да 20 варыянтаў пошчаку.Гэтая ярка афарбаваная птушка паддаецца дрэсіроўцы, напрыклад, шчыгла можна навучыць выцягваць шчаслівы квіток са скрынкі. Шчыглы могуць быць ручнымі — іх можна прывучыць садзіцца на палец.Шчаглоў можна таксама навучыць прыносіць прадметы. З-за сваёй неверагоднай кемлівасці і жыццястойкасці шчыглы не заўсёды ляцяць у гарачыя краіны, а зімуюць у Беларусі.Птушка годаПтушкай года ў Беларусі ў розныя гады станавіліся белы бусел, белая пліска, івалга, дамавы верабей, гарадская ластаўка, барадатая няясыць, кнігаўка, звычайны салавей, вялікая белая чапля, шэры гусь, сокал, вялікі кроншнеп, чорны стрыж, удод, зязюля, гогаль і вушастая сава.

https://bel.sputnik.by/20170902/ryba-smauzhy-i-butehlka-z-ceplaj-vadoj-yak-u-vicebsku-ratavali-busla-1030606545.html

https://bel.sputnik.by/20170926/nechakany-gosc-sych-zazirnuu-u-kvatehru-da-gamyalchan-1031018906.html

https://bel.sputnik.by/20170607/vyartlyavaya-charotauka-stala-ptushkaj-simvalam-dragichynskaga-rayona-1029175828.html

беларусь

2017

Навіны

ru_BY

у беларусі, навіны , галоўнае, прырода, беларусь, ахова птушак бацькаўшчыны, чорнагаловы шчыгол