МІНСК, 12 ліс — Sputnik. Беларускія баскетбалісткі пачалі з перамогі выступ у адборачным турніры чэмпіянату Еўропы-2019, паядынак адбыўся ў суботу.
У першым матчы кваліфікацыйнай групы беларускі абыгралі ў Валбжыху баскетбалістак Польшчы. Спачатку выйгравалі гаспадыні, але пасля перапынку спартсменкі з Беларусі рэзка пойшлі наперад. Канчатковы лік — 70:62.
У іншым паядынку гэтай групы зборная Турцыі разграміла ў Таліне каманду Эстоніі (81:56).
Пасля сустрэчы ў гасцях з польками прадстаўніцы Беларусі прымуць на пляцоўцы мінскага Палаца спорту эстонок. Паядынак адбудзецца 15 лістапада.
У фінальную частку жаночага Еўрабаскета па выніках кваліфікацыі трапяць пераможцы васьмі груп і шэсць лепшых каманд, якія зоймуць другія месцы.
Гаспадарамі чэмпіянату кантынента ў 2019 годзе будуць Латвія і Сербія, каманды гэтых краін вызваленыя ад адборачных гульняў.
