Сталічны канцэрт гурта "ДДТ" пройдзе 15 лістапада на "Мінск-Арэне". Калектыў прапануе эксперыментальную праграму "Гісторыя гуку", якая з'яўляецца своеасаблівай анталогіяй творчасці — прагучаць песні 80-ых, 90-ых, нулявых.
Саліст калектыву Юрый Шаўчук у мінулы панядзелак прыбыў у Мінск і распавёў, якія патрабаванні музыканты прад'яўляюць на канцэртах. "Група "ДДТ" адрозніваецца прыдзірлівасцю да якасці гуку, святла", — падкрэсліў выканаўца.
Фронтмэн у падрабязнасцях распавёў пра падрыхтоўку да выступу ў кожным горадзе. "Мы наогул у кожным горадзе даем два канцэрты: паўтары-дзве гадзіны мы рэпетуем, строім гук на кожную песню, а потым граем", — адзначыў Шаўчук.
Аб задуманым эксперыментальным праекце Юрый Шаўчук апавясціў крыху больш за год таму, тады ж паабяцаў прывезці праграму ў Беларусь.
Міхаіл Козыраў: Oxxxymiron і ёсць наш новы Шаўчук>>
Нагадаем, упершыню група "ДДТ" давала двухдзённы канцэрт у Мінску ў 1989 годзе. З 2011 года на працягу чатырох гадоў калектыў не выступаў у Беларусі.
