МІНСК, 15 ліс — Sputnik. Пагадненне аб узаемным прызнанні віз паміж Беларуссю і Расіяй можа быць падпісана да канца года, заявіў на прэс-канферэнцыі ў Маскве міністр замежных спраў Беларусі Уладзімір Макей.
Макей 14-15 лістапада знаходзіцца з рабочым візітам у расійскай сталіцы, дзе абмяркоўвае з калегам Сяргеем Лаўровым пытанні двухбаковага супрацоўніцтва.
"Сёння сур'ёзная ўвага была нададзена працы над міжурадавым пагадненнем аб узаемным прызнанні віз… Мы чакаем, што падпісанне гэтага пагаднення адбудзецца да канца 2017 года ", — сказаў Макей падчас прэс-канферэнцыі.
Раней афіцыйны прадстаўнік МЗС РФ Марыя Захарава паведамляла, што пытанне падрыхтоўкі праекта пагаднення аб узаемным прызнанні віз запланавана для абмеркавання кіраўнікоў знешнепалітычных ведамстваў дзвюх краін.
Прыняцце пагаднення аб прызнанні віз дазволіць грамадзянам трэціх краін, якія маюць візу адной з краін Саюзнай дзяржавы, бесперашкодна перасякаць ўнутраныя межы. На дадзены момант гэта недапушчальна.
