У Мінску прэзентуюць "Кракаўскія калядныя батлейкі"

© Sputnik / Роман ШантарНацыянальны гістарычны музей Беларусі
Нацыянальны гістарычны музей Беларусі - Sputnik Беларусь
Падпісацца
На дадзенай выставе прадстаўлены батлейкі з фондаў Гістарычнага музея горада Кракава, якія атрымлівалі найвышэйшыя адзнакі і ўзнагароды.

МІНСК, 3 сне — Sputnik. У Мінску 12 снежня адбудзецца ўрачыстае адкрыццё выставы "Кракаўскія калядныя батлейкі", паведамілі Sputnik у прэс-службе Нацыянальнага гістарычнага музея Беларусі.

Нацыянальны гістарычны музей - Sputnik Беларусь
У Мінску пройдзе калядны вечар у стылі 60-ых гадоў

Кракаўскія батлейкі — гэта багата аздобленыя сцэны Божага Нараджэння з архітэктурнай спасылкай на адметнасці Кракава. Стылёвая разнастайнасць кракаўскіх касцёлаў стала для стваральнікаў батлейкі крыніцай натхнення. Гэта форма батлейкі сфармавалася ў XIX стагоддзі, распаўсюдзілася ў XX стагоддзі і культывуецца дагэтуль, з'яўляючыся правобразам сучасных батлеек.

"Напярэдадні зімовых святаў музей запрашае дзяцей і дарослых здзейсніць падарожжа ў дзівосны свет гісторыі кракаўскіх батлеек. Наведвальнікаў чакае святочны настрой ад набліжэння непаўторнага часу, атмасфера цеплыні і радасці ад знаёмства з прыгожым", — распавялі ў музеі.

Гістарычны музей Кракава з 1946 года ладзіць штогадовыя конкурсы і выставы батлеек, якія вылучаюцца надзвычайнай рэлігійнай, мастацкай і гістарычнай каштоўнасцю. Рэгламент на роўных правах дапускае да ўдзелу ў конкурсе працы прафесіяналаў (архітэктараў, мастакоў) і мастакоў-аматараў.

На дадзенай выставе прадстаўлены батлейкі з фондаў Гістарычнага музея горада Кракава, якія атрымлівалі найвышэйшыя адзнакі і ўзнагароды.

"Адметнасцю кракаўскіх батлеек з'яўляюцца сцэны з гістарычнымі і легендарнымі персанажамі. Некаторыя батлейкі маюць сучасныя і складаныя механізмы, а таксама ўбудаваныя музычныя рашэнні, з якіх гучаць кракаўскія мелодыі або найбольш папулярныя калядкі", — дадалі арганізатары выставы.

Стужка навiн
0