МІНСК, 5 сне — Sputnik. Міністэрства працы і сацыяльнай абароны правяло сацыялагічнае даследаванне з мэтай вызначыць, якая падтрымка патрэбна маладым беларускім сем'ям.
"У мінулым годзе выйшлі на натуральны рост насельніцтва, важна разумець, якія рэзервы ёсць у грамадстве для стымулявання нараджальнасці", — распавёў намеснік міністра працы і сацыяльнай абароны Аляксандр Румак у эфіры тэлеканала "Беларусь 1".
Статыстычны камітэт выпадковым чынам адабраў рэспандэнтаў, апытаць атрымалася больш дзесяці тысяч чалавек. Паводле даследавання, сярэдні ўзрост уступлення ў шлюб павялічваецца. Мужчыны пачалі ствараць сем'і ў 27 гадоў, жанчыны — у 25. Паводле дадзеных Белстата, у мінулым годзе большасць жанчын уступіла ў шлюб ва ўзросце 20-24 гадоў (на гэты ўзрост прыйшлося 33,7% шлюбаў).
Першых дзяцей беларускі заводзяць пасля 26 гадоў. Калі ў 2010 годзе сярэдні ўзрост маладой мамы быў 24,9 года, то ў 2016 — 26,3. У гэтым годзе ў Беларусі нарадзілася 103 000 малых. У мінулым годзе мамамі сталі 117 800 беларусак.
