Выканкам Міжнароднага алімпійскага камітэта на сваім пасяджэнні ў Лазане 5 снежня прыме рашэнне, забараняць ці не забараняць зборнай Расіі удзел у зімовых Алімпійскіх гульнях 2018 года ў паўднёвакарэйскім Пхенчхане. Расія ўжо страціла 11 узнагарод сочынскай Алімпіяды-2014, некалькі спартоўцаў дыскваліфікаваныя пажыццёва.
"Сітуацыя трывожная, так, яна даўно стала палітызаванай. Усе бачаць, што проста метадычна ўзяліся за Расію і дзяўбуць яе з усіх бакоў. Гэта ўжо проста непрыстойна выглядае. Беларусь пацвярджае сваю жорсткую пазіцыю барацьбы з ужываннем допінгу. Але мы ўпэўненыя, што пакаранне павінна быць канкрэтным і асабістым. Нельга прыцягваць да адказнасці каманду, від спорту або, тым больш, краіну цалкам", — сказаў Несцяровіч.
Выканкам МАК заслухае даклады дзвюх камісій пад кіраўніцтвам Дзяніса Освальда і Самуэля Шмідта. Першая займалася пераправеркай допінг-пробаў, а другая — вывучэннем ролі дзяржавы ў стварэнні допінгавай сістэмы. Абвінавачванне будуўецца на паказаннях былога кіраўніка Маскоўскай лабараторыі Рыгора Родчанкава, а таксама на папярэднім расследванні канадскага юрыста Рычарда Макларэна.
Каментар прэс-сакратара Міністэрства спорту і турызму Беларусі Уладзіміра Несцяровіча слухайце ў аўдыёзапісе радыё Sputnik Беларусь.
