Кірмаш праходзіць у беларускай сталіцы з 8 па 10 снежня. Традыцыйна за мілымі падарункамі, зробленымі "з душой", мінчане ехалі ў будынак былога ВДНГ — там звычайна праходзіў "Млын".
Гэтай восенню выстава прайшла на базе Палаца спорту і пакінула даволі гнятлівае ўражанне, як ва ўдзельнікаў, так і ў наведвальнікаў.
У гэты раз у якасці прытулку для майстроў быў абраны павільён БелЭкспа, на праспекце Пераможцаў, які ў народзе называюць "рамонкам".
Па прызнанні пастаяннай удзельніцы выставы, майстра па кераміцы Вольгі Угрыновіч, на новым месцы настрой адразу палепшыўся.
"Тут больш прыгожа і не так холадна", — з усмешкай адзначыла майстар, на хвіліну пакінуўшы шматлікіх пакупнікоў. Праўда, выказала засцярожанасць тым, што справы з транспартам тут абстаяць горш, чым было ў павільёне на Янкі Купалы. Затое парковачных месцаў вакол "рамонка" значна больш.
У "Млына" ёсць свае адданыя прыхільнікі, якія наведваюць выставу незалежна ад таго, дзя яна праходзіць.
Тут заўсёды мнагалюдна, таму што нельга прыдумаць больш кранальнага і запамінальнага падарунка, чым той, які майстар зрабіў уласнымі рукамі, уклаўшы ў яго кропельку душы.
