МІНСК, 12 сне — Sputnik. Сіноптыкі абяцаюць няўстойлівае надвор'е ў бліжэйшыя дні на тэрыторыі Беларусі: будуць ісці дажджы, мокры снег, чакаюцца туманы і парывісты вецер.
На Беларусь ідуць атмасферныя франты з Польшчы, ужо сёння да вечара на паўднёвым-захадзе краіны тэмпература паветра падымецца да +4°С, у Мінску крыху халадней, але будзе вышэй за нуль.
"У сераду 13 снежня ў Беларусі будзе воблачна з праясненнямі, пераважна без ападкаў, толькі па паўднёвым усходзе краіны пройдзе мокры снег, дождж. На асобных участках дарог галалёдзіца", — паведамілі Sputnik у аўторак у Гідрамеце.
Там таксама папярэдзілі, што вецер будзе паўднёва-заходні парывісты, па паўночным захадзе месцамі моцны парывісты, тэмпература паветра на працягу сутак складзе ад —1 да +4°С.
Са слоў сіноптыкаў, у чацвер 14 снежня ноччу надвор'е ў Беларусі будзе вызначаць вобласць павышанага атмасфернага ціску, сфарміраваная ў халоднай вільготнай паветранай масе, а днём адаб'ецца ўплыў атмасфернага фронту, які змяшчаецца з тэрыторыі Польшчы. У начныя гадзіны ў шэрагу раёнаў, а раніцай і днём на большай частцы тэрыторыі рэспублікі пройдзе кароткачасовы снег, мокры снег, чакаюцца туман, галалёд, а на дарогах месцамі галалёдзіца.
"Мінімальная тэмпература паветра ўначы складзе ад —1 да —7°С, па паўночным усходзе пры праясненнях да —9°С, максімальная днём ад —3°С па паўночным усходзе да +4°С па паўднёвым захадзе краіны", — сказалі сіноптыкі.
У пятніцу 15 снежня Беларусь апынецца пад уплывам сістэмы франтальных раздзелаў, якія перамяшчаюцца з Карпат. Па большай частцы тэрыторыі краіны чакаюцца кароткачасовыя ападкі, вецер будзе паўднёвы, ноччу месцамі па паўночным захадзе парывісты, мінімальная тэмпература паветра мінімальная ноччу — ад —4 да +2°С, максімальная днём —1..+5°С.
