МІНСК, 13 сне — Sputnik. Забег Дзядоў Марозаў і Снягурачак адбудзецца ў нядзелю 17 лістапада ў Гродне, сімвалічны старт закліканы падсумаваць лёгкаатлетычны год у абласным цэнтры, паведамляе "Вячэрні Гродна".
Спаборніцтвы пройдуць у два этапы: касцюміраваныя ўдзельнікі прабягуць па стадыёне адзін круг, а затым ўсім астатнім прапануюць пераадолець дыстанцыю 4 кіламетры.
Дзяды Марозы і Снягуркі выйдуць на старт у Гродне ўжо ў дзявяты раз, прычым цяперашні забег абяцае стаць самым масавым. За тыдзень да старту на святочную прабежку зарэгістраваліся каля ста ўдзельнікаў.
Арганізатары абяцаюць сімвалічныя прызы ўсім, хто дабярэцца да фінішу. Кожнаму, хто зможа пераадолець фінішную рысу, уручаць ёлку, але не сапраўдную, а адлітую з металу — памятны медаль цяперашняга забегу вырашылі выканаць у выглядзе галоўнага атрыбута Новага года.
