МІНСК, 14 сне — Sputnik. Журналістка Ксенія Сабчак, якая заявіла пра намер балатавацца ў прэзідэнты Расіі на выбарах 2018 года, прыйшла на прэс-канферэнцыю прэзідэнта Расіі Уладзіміра Пуціна, перадае карэспандэнт Sputnik.
Сабчак распавяла журналістам, што разлічвае задаць прэзідэнту пытанне. Праўда, якое менавіта, яна сказаць не змагла.
"У мяне некалькі пытанняў. У мяне няма аднаго канкрэтнага. Важна, як будзе адбывацца прэс-канферэнцыя і якія пытанні будуць задавацца. Сярод тэмаў — гэта, безумоўна, тэма Аляксея Навальнага. Важнае пытанне — вынікі прэзідэнцтва. І пытанні асабістых гісторый, канкрэтных людзей — ёсць рэчы, якія я б хацела праясніць з Уладзімірам Уладзіміравічам", — сказала Сабчак.
Уладзімір Пуцін правядзе ў чацвер вялікую прэс-канферэнцыю для журналістаў, дзе адкажа на пытанні як прадстаўнікоў СМІ РФ, так і замежных. На прэс-канферэнцыі будзе прадстаўлены і Sputnik Беларусь — ад імя агенцтва пытанне падрыхтавала шэф-рэдактар Алеся Лучанінава.
Sputnik будзе весці анлайн-трансляцыю прэс-канферэнцыі прэзідэнта РФ Уладзіміра Пуціна — сачыце за абнаўленнямі партала.
