МІНСК, 15 сне — Sputnik. Святочныя кірмашы пачалі працаваць з 15 снежня ў сталіцы, паведамілі ў Галоўным упраўленні спажывецкага рынку Мінгарвыканкама.
"Адкрываецца ўпадабаны жыхарамі і гасцямі горада "Калядны кірмаш!". Гандлёвыя шэрагі ўстаноўлены на Кастрычніцкай плошчы і каля Палаца спорту на праспекце Пераможцаў. Яны будуць працаваць цэлы месяц — да 15 студзеня", — паведамілі ў Мінгарвыканкаме.
Аналагічныя кірмашы разгорнуцца крыху пазней і ў іншых кутках сталіцы. Гараджане змогуць набыць на іх сувеніры, навагоднія падарункі для блізкіх і родных, пакаштаваць гарачую выпечку, сакавітыя дранікі, бліны з рознымі начынкамі, гарачыя і халодныя закускі, выпіць гарачай гарбаты, кавы, шакаладу або духмянага глінтвейну.
На кірмашах будзе арганізаваны продаж сувеніраў з сімвалам надыходзячага 2018 года, навагодніх падарункаў, мастацкіх вырабаў і тавараў народнага творчасці.
"Калядны кірмаш!" каля Палаца спорту чакае пакупнікоў з 12:00 да 21:00. На Кастрычніцкай плошчы час працы традыцыйнага каляднага кірмашу некалькі іншы — з 15 па 23 снежня ён будзе працаваць з 12:00 да 21:00; з 24 снежня па 7 студзеня — з 12:00 да 22:00; 8-15 студзеня — з 12:00 да 20:00.
