МІНСК, 15 сне — Sputnik. Лясгасы Мінскай вобласці пачнуць рэалізацыю навагодніх елак грамадзянам ужо 20 снежня, паведамілі Sputnik у пятніцу ў Мінскім дзяржаўным вытворчым лесагаспадарчым аб'яднанні.
У беларускай сталіцы грамадзяне змогуць купіць елкі да Новага года пазней — елачныя кірмашы адкрываюцца ў Мінску 22 снежня.
"З 20 снежня лясгасы аб'яднання пачнуць рэалізацыю навагодніх дрэў. Прадаваць лясгасы будуць не толькі навагоднія ёлкі, але і сосны, а таксама навагоднія букеты з галінак хвойных дрэў, елкі ў кадках", — сказалі ў аб'яднанні.
Там таксама паведамілі, што ў бягучым годзе лясгасы вобласці арганізуюць 246 гандлёвых кропак па продажы ёлак, у Мінску — 21, у гарадах вобласці — 63, у лясніцтвах — 162.
У ДВЛГА ўдакладнілі, што цэны на навагоднія дрэвы ў лясніцтвах будуць ніжэйшыя, чым на гандлёвых кропках.
Паводле інфармацыі аб'яднання, у 2017 годзе навагоднія елкі леснікі нарыхтоўваюць на спецыялізаваных плантацыях, прасеках, палосах адводу, лесасеках санітарных высечак, што не наносіць шкоды прыродзе.
