МІНСК, 18 сне — Sputnik. Імёны ўладальнікаў першай музычнай прэміі поп-музыкі "Наша Ліга" сталі вядомы сёння, паведамілі арганізатары.
Тэлеканал "БелМузТВ" падвёў вынікі года ў музычнай сферы. Усяго на прэміі вызначылі пераможцаў у васьмі намінацыях.
У намінацыі трапілі толькі тыя артысты, музычныя кліпы якіх мелі актыўную ратацыю ў эфіры тэлеканала. Сярод выканаўцаў былі музыкі як з Беларусі, так з Расіі і Украіны.
Спявачкай года Беларусі, па версіі тэлеканала "БелМузТБ", стала Алёна Ланская, спеваком — вядомы выканаўца Alekseev, дуэтам года была названа праца Ані Лорак і Эміна "Проститься", у намінацыі "Кліп года" перамагла Іскуі Абалян з відэа на песню "Ты моя собственность", альбом спявачкі Валерыі "К солнцу" стаў лепшым. Украінец Макс Барскіх з песняй "Мая любоўю" стаў "Крэатывам года". Адкрыццём года стала ўдзельніца "Новай фабрыкі зорак" юная беларуска Зіна Купрыяновіч, якая выступае пад псеўданімам Зена.
Кампазіцыя "Гісторыя майго жыцця" гурта "NaviBand" перамагла ў намінацыі "Песня года".
Тэлеканал "БелМузТБ" будзе трансляваць музычную прэмію "Наша Ліга" 25 снежня.
