МІНСК, 20 сне — Sputnik. Брэсцкі навукова-тэхналагічны парк і брэсцкі мясцовы фонд рэгіянальнага развіцця 23 снежня праводзяць мерапрыемства "StartUP-Марафон 2017", паведамілі Sputnik у прэс-службе Брэсцкага аблвыканкама.
Падчас мерапрыемства будуць арганізаваны майстар-класы ад экспертаў-практыкаў па маркетынгавых інструментах і стратэгіях прасоўвання ў сацыяльных сетках для малога і сярэдняга бізнесу, а таксама па падрыхтоўцы і прадстаўленні інвестыцыйных прэзентацый для стартапаў.
"Удзельнікі будуць мець магчымасць прадставіць свой праект у фармаце кароткай прэзентацыі перад вялікай аўдыторыяй і кампетэнтным складам экспертаў, атрымаць ад экспертаў зваротную сувязь, знайсці магчымасці для падтрымкі сваіх праектаў", — распавялі ў прэс-службе.
Шырокае кола экспертаў і запрошаных удзельнікаў мерапрыемства змогуць ацаніць лепшыя стартап-праекты і прагаласаваць за найбольш упадабаны праект.
Рэгістрацыя на мерапрыемтсва праходзіць тут.
