Конкурс прыгажосці ў лепшых беларускіх традыцыях правялі для будучых нявест у Гаранах у Полацкім раёне. Свята прайшло ў фармаце этнавечарыны, на якую кожная нявеста прыбыла са сваёй групай падтрымкі ў вышыванках.
Дзяўчыны на конкурс прыхапілі з сабой пасаг у выглядзе жартаў, прыпевак і песен. Не абыйшлося і без моднага батла, дзе свацці хвалілі сваіх нявест. Адбіралі лепшых прыгажунь полацкія купец і купчыха, якіх таксама трэба было задобрыць.
Прайшлі на агледзінах спаборніцтвы сярод саміх нявест. Кожная канкурсантка павінна была адказаць на каверзныя пытанні ад будучай свякрухі.
Тытул "Зайздросная нявеста зямлі Полацкай" атрымала дзяўчына з вёскі Малае Сітна, а астатнія прыгажуні — сапраўдныя пасведчанні аб удзеле ў агледзінах нявест.
1/12
© Sputnik / Сергей Лескеть
Здаецца, жартоўны конкурс, але канкурэнцыя паміж дзяўчатамі - сапраўдная.
2/12
© Sputnik / Сергей Лескеть
Кожны сельсавет прывёз сваю нявесту-прыгажуню на агледзіны да полацкага купца.
3/12
© Sputnik / Сергей Лескеть
Нявесты павінны прадэманстраваць свае таленты, спець песню ці патанчыць.
4/12
© Sputnik / Сергей Лескеть
Своеасаблівы батл ладзілі свахі, хвалілі сваю невесту прыпеўкамі.
5/12
© Sputnik / Сергей Лескеть
Важны этап агледзін - хаджэнне з вёдрамі і каромыслам.
6/12
© Sputnik / Сергей Лескеть
Deep Purple - "Smoke on the Water " можна згуляць і на балалайцы, каб нявеста перамагла.
7/12
© Sputnik / Сергей Лескеть
Былі і свае маладзецкія забавы на моцныя рукі, дзе галоўная задача не закрануць бервяно самому, але перацягнуць туды канкурэнта.
8/12
© Sputnik / Сергей Лескеть
Жаніхом быў не заморскі прынц, а наш, сын полацкага купца.
9/12
© Sputnik / Сергей Лескеть
Пакуль купцы і свахі дзеляць паміж нявестамі тытулы, моладзь пачынае танчыць народныя танцы.
10/12
© Sputnik / Сергей Лескеть
Не абышоў полацкі купец увагай і лепшую сваццю.
11/12
© Sputnik / Сергей Лескеть
Лепшая нявеста атрымала ўзнагароду з рук "полацкага жаніха".
12/12
© Sputnik / Сергей Лескеть
Гараны сабралі самых зайздросных нявест Полацкага раёна.
