Мерапрыемства было прымеркавана да пачатку святкавання "Калядаў" у славян. Падчас народных гулянняў у Дудутках усе жадаючыя танцавалі ад душы, знаёміліся з нацыянальнымі беларускімі забавамі і традыцыямі. Таксама госці паспыталі "калядную куццю" і ўбачылі самабытны тэатр "Батлейка".
Музычная частка — традыцыйныя харавыя царкоўныя спевы — не пакінула нікога абыякавым. Публіку сваёй творчасцю парадавалі калектывы "Яварына", "Жывіца" і "Фламея".
Раней у інтэрв'ю радыё Sputnik арганізатары свята — прадстаўніцы экстрым-тэатра "Берсерк" Ніка Харытонава і Любоў Рубінава — распавялі, што праграма гулянняў была прадумана да дробязяў. "Як музычная яе частка, так і інтэрактыўная, пачынаючы ад паласы перашкод, забегаў у мяшках, бітвы мяшкамі з сенам. Нават кёрлінг мы зрабілі ў беларускім нацыянальным стылі", — адзначылі суразмоўцы.
