Стравы традыцыйнай беларускай кухні, у тым ліку і святочныя, валодаюць многімі карыснымі ўласцівасцямі, аб якіх часам нават не здагадваюцца сучасныя беларусы. Яскравы прыклад — традыцыйная куцця, з якой заўсёды пачыналася застолле, сказала эксперт беларускай кухні Алена Мікульчык.
"На самой справе, беларуская куцця — гэта пярлоўка, і традыцыйна пярлоўка гатуецца вельмі доўга. Яна замочваецца на 12 гадзін, і потым яшчэ некалькі гадзін гатуецца ў печы. Гэта страва спрыяе выпрацоўцы калагена, то бок калі ўвесь час ужываць куцьцю, то гэта эфект амаладжэння. Традыцыйная куцця — гэта сімвал бясконцасці быцця", — распавяла Мікульчык.
Напрыканцы застолля традыцыйна падаваўся аўсяны кісель. Нашы продкі пілі яго, у тым ліку, і для таго, каб нейтралізаваць усе наступствы святочнага застолля для арганізма.
"Аўсяны кісель — гэта адзіны прадукт славянскай кухні, прызнаны афіцыйнай медыцынай як сродак лячэння і прафілактыкі шматлікіх захворванняў, ён спрыяе паляпшэнню імунітэту, умацаванню здароўя і самае галоўнае — пахуданню", — сказала шэф-повар.
Каментар шэф-повара, эксперта беларускай кухні, гісторыка кулінарыі Алены Мікульчык слухайце на радыё Sputnik Беларусь.
