МІНСК, 26 сне — Sputnik. Фантастычны блокбастэр "Зорныя войны. Эпізод 8. Апошнія джэдаі" захоўвае лідарства ў сусветным пракаце, сведчаць дадзеныя кінадыстрыб'ютараў.
Новыя "Зорныя войны" выйшлі ў шырокі пракат 14 снежня і з таго часу ўпэўнена захоўваюць лідарства па касавых зборах у свеце.
Так, па дадзеных на 26 снежня, у сусветным пракаце новы фільм сабраў больш за 777 мільёнаў долараў і мноства добрых водгукаў. У той жа час з пункту гледжання касавых збораў стужка ідзе менш паспяхова, чым папярэдні эпізод — "Абуджэнне сілы". Зрэшты, эксперты чакаюць, што сумарныя зборы "Апошніх джэдаяў" будуць больш за мільярд долараў, хоць і не дайдуць да адзнакі ў два мільярды.
"Зорныя войны" карыстаюцца папулярнасцю і ў беларускіх гледачоў. Так, па дадзеных сталічнага кінавідэапракату, у мінулы тыдзень у дзяржаўных кінатэатрах стужка выклікала самую вялікую зацікаўленасць — яе паглядзелі крыху менш за 19 тысяч чалавек.
У той жа час па памерах касавых збораў блокбастар Disney прайграў дзвюм прэм'ерам мінулага тыдня — расійскай камедыі "Ёлкі новыя" і камедыйнаму баявіку "Джуманджы".
