МІНСК, 27 сне — Sputnik. Стваральнікі "Смешарыкаў" абвясцілі галасаванне для прыхільнікаў мультфільма: па яго выніках будзе прынята рашэнне аб тым, у якім фармаце выйдзе новы сезон серыяла, паведамляе РІА "Новости".
"Стваральнікі культавага для сучаснай расійскай анімацыі праекта "Смешарыкi" працуюць над працягам серыяла. Па шматлікіх просьбах прыхільнікаў круглых персанажаў, плануецца ажыццявіць выпуск не проста некалькіх серый, але паўнавартаснага новага сезона праекта", — гаворыцца на сайце.
Аўтары мультфільма ўдакладнілі, што гледачы самі змогуць вырашыць, у якім фармаце — 2D або 3D — выйдзе новы сезон мультсерыяла: анлайн-галасаванне працягнецца да 1 чэрвеня 2018 года.
Анімацыйны серыял "Смешарыкi" выходзіць на экраны ўжо 15 гадоў. Праект пастаянна пашырае геаграфію — за прыгодамі Кроша, Вожыка, Нюшы, Бараша, Ласяша і іншых сочаць больш чым у 90 краінах свету. Таксама на сённяшні дзень існуе два поўнаметражных фільма — "Смешарыкi. Пачатак" і "Смешарыкi. Легенда аб залатым цмоку".
