МІНСК, 5 сту — Sputnik. Маладзёжная зборная Беларусі па хакеі (U-20) пакінула вышэйшы дывізіён чэмпіянату свету, паведамляе Sputnik.
У чацвер, 4 студзеня, у амерыканскім Бафала адбыўся другі матч релегейшн-раунда Данія — Беларусь. Падапечныя Юрыя Файкова пацярпелі паражэнне з лікам 2:3 (2:0, 0:0, 0:2, 0:0, 1:0). У асноўны час у складзе беларускай каманды вызначыліся Максім Сушко і Ілля Літвінаў. У скандынаваў — Даніэль Нільсэн і Ёнас Рондб'ерг. Пераможны буліт у вароты Беларусі на рахунку Якаба Шміта.
Такім чынам, беларусы пацярпелі другое паражэнне ў раундзе "за выжыванне" і пакінулі элітны дывізіён. Нагадаем, 2 студзеня каманда прайграла датчанам з лікам 4:5.
Месца беларусаў у вышэйшым дывізіёне зойме зборная Казахстана.
Сёння адбудуцца паўфінальныя сустрэчы ЧС. У першай 1/2 фіналу сустрэнуцца зборныя Швецыі і ЗША, у другой — Канады і Чэхіі. Матч за трэцяе месца і вырашальны паядынак пройдуць 6 студзеня.
