МІНСК, 8 сту — Sputnik. У Нацыянальным парку "Белавежская пушча" вядуцца будаўнічыя працы першага ў Беларусі археалагічнага музея пад адкрытым небам, паведамілі Sputnik у прэс-службе запаведніка.
У мінулым 2017 годзе былі выкананы першыя будаўнічыя працы на тэрыторыі будучага гарадзішча позняга бронзавага — ранняга жалезнага веку. "Цяпер завершаны работы па будаўніцтве ўязной групы гарадзішча з двухстворкавымі варотамі, збудаваныя масты, дарожкі і акруговай абарончы вал. Будаўніцтва вялося пад археалагічным наглядам супрацоўнікаў Інстытута гісторыі НАН Беларусі", — адзначылі ў прэс-службе.
У Белавежскай пушчы адзначаюць, што "ў 2018 годзе плануецца завяршыць работы па стварэнню двухрадковых абарончых сцен, четырёхкамернага жылля па аналагу забудовы гарадзішча штрыхаванай керамікі (VII да н.э. — V ст. н.э.), жылля-паўземлянкі слупковай канструкцыі зарубінецкай культуры (ІІІ ст. да н. э. — ІІ ст. н. э.), а таксама двух унікальных дамоў мілаградскай культуры".
Аб'екты і інтэр'еры экспазіцыі будучага музея будуць адноўлены на падставе вывучэння прадстаўленых археалагічных аналагаў, а пасля правядзення поўнай музеефікацыі тэрыторыі і будынкаў, у перспектыве, любы ахвочы турыст зможа азнаёміцца з унікальнай гісторыка-культурнай спадчынай нашай краіны.
Будаўніцтва музея пад адкрытым небам у Белавежскай пушчы прадугледжана "Дзяржаўнай праграмай аховы навакольнага асяроддзя і ўстойлівага выкарыстання прыродных рэсурсаў" на 2016 — 2020 гады. На плошчы больш за 16 гектараў будзе створаны археалагічны музей з 7-ю часовымі комплексамі, якія адлюстроўваюць матэрыяльны побыт нашых продкаў.
