МІНСК, 11 сту — Sputnik. Амерыканская Marvel Studios прыняла рашэнне зняць фільм пра аднаго з персанажаў сусвету Marvel Comics — Чорную ўдаву, паведаміў рэсурс Variety.
У вытворчасць фільм пакуль не запусцілі, аднак вядома, што стварэннем сцэнара будзе займацца Жаклін Шэффер, якая працавала над фантастычнай меладрамай "Таймер".
Вядома таксама, што будучы сцэнар студыя абмяркоўвала з галівудскай актрысай Скарлет Ёхансан, якую плануецца запрасіць на ролю Наташы Раманавай, Чорнай удавы.
Актрыса іграе ролю рускай шпіёнкі з атрада Мсціўцаў з 2010 года, паўдзельнічала ў здымках пяці фільмаў, а ў гэтым годзе з'явіцца ў шостай карціне — "Мсціўцы: Вайна бясконцасці". Фанаты сусвету Marvel неаднаразова выказваліся аб неабходнасці зняць асобны фільм пра яе.
У 2015 годзе амерыканская музычна-гумарыстычная перадача Saturday Night Live нават выпусціла трэйлер-пародыю да неіснуючага фільма "Чорная ўдава" ў выглядзе рамантычнай камедыі. Удзел у здымках прыняла і сама Ёхансан.
