МІНСК, 19 сту — Sputnik. Нігерыя хацела б пераняць беларускую мадэль адукацыі, заявіў надзвычайны і паўнамоцны пасол Федэратыўнай Рэспублікі Нігерыя ў РФ і РБ Стыў Дэвіс Угба.
Угба пачаў дыпламатычную місію ў Беларусі ў студзені бягучага года. Дыпламат ужо правёў адну з першых сустрэч — з міністрам адукацыі Ігарам Карпенкам.
"Наша сустрэча праходзіць у той перыяд, калі Вы ўручылі даверчыя граматы Прэзідэнту нашай краіны і калі развіваюцца сяброўскія адносіны з Афрыканскім кантынентам. Магу запэўніць, што з нашага боку гатовы да абмеркавання любых пытанняў у галіне адукацыі, каб дасягнуць канкрэтных вынікаў падчас вашай дыпламатычнай місіі ", — прыводзіць прэс-служба Мінадукацыі словы Карпенкі.
Паслу ўжо перадалі праект пагаднення паміж краінамі аб супрацоўніцтве ў сферы адукацыі. Карпенка заявіў аб тым, што гатовы запрасіць у Беларусь свайго нігерыйскага калегу.
"Што тычыцца адукацыі, то нашыя студэнты вельмі цэняць вопыт навучання ў вашай краіне. І мы хацелі б працягнуць гэтую практыку. Нам важны і цікавы ваш вопыт развіцця адукацыі, вашы тэхналогіі", — сказаў пасол.
Угба прызнаў, што ў Нігерыі вельмі высокі ўзровень непісьменнасці. Сёння адной з самых важных задач у краіне называюць падрыхтоўку спецыялістаў.
"Мы б хацелі пераняць вашу мадэль адукацыі. На наш погляд, яна вельмі паспяховая", — сказаў на заканчэнне пасол.
