Забаўны выпадак адбыўся падчас 12-га этапу. Перад каміёнам Васілеўскага, які рухаўся на вялікай хуткасці, з'явіўся статак кароў. Жывёлы беглі прама перад чырвонай машынай, і здавалася, што сутыкнення не пазбегнуць, аднак пілот крыху запаволіў рух, калі заўважыў кароў, і яны паспелі прабегчы міма.
Пасля 12 этапаў экіпаж Васілеўскага займае 14-ы радок агульнага заліку грузавікоў. Услед за ім — яшчэ адзін беларускі экіпаж — Аляксея Вішнеўскага.
Кіраўнік каманды МАЗа, Сяргей Вязовіч, у генеральнай класіфікацыі ўтрымлівае трэцюю пазіцыю. Да фінішу ралі-рэйда "Дакар-2018" застаецца два этапы, перадапошні, 13-ы, стартаваў 19 студзеня, у пятніцу.
