У гонар 80-гадовага юбілею знакамітага паэта, музыкі і акцёра Уладзіміра Сямёнавіча Высоцкага толькі ў расійскай сталіцы праходзіць адразу некалькі дзясяткаў мерапрыемстваў — тэатральных, канцэртных, выставачных.
Акрамя таго, юбілейная дата стане стартам для многіх доўгатэрміновых праектаў, прысвечаных жыццю і творчасці Высоцкага, распавёў у гутарцы на радыё Sputnik сын легендарнага барда і кіраўнік яго музея на Таганцы, акцёр і рэжысёр Мікіта Высоцкі.
Легенды пра легенду: як успамінаюць Уладзіміра Высоцкага ў Беларусі>>
"Калісьці ўдава Мандэльштама сказала пра Маякоўскага, што яго пры савецкай уладзе насаджалі як бульбу пры Пятры. Збольшага справядліва, але іншая справа, што Маякоўскі ад гэтага ні горш і ні лепш не становіцца. Але я думаю, тое, што адбываецца цяпер з юбілеем бацькі, гэта крыху не тое. Гэта не насаджэнне, гэта не прапаганда, гэта не прасоўванне Высоцкага дзяржавай. Гэты рух вельмі энергічны і вельмі натуральны, свабодны, гэты рух павагі і любові да чалавека і артысту ", — распавёў Высоцкі.
Каментар дырэктара Дзяржаўнага культурнага цэнтра-музея "Дом Высоцкага на Таганцы", акцёра і рэжысёра Мікіты Высоцкага слухайце на радыё Sputnik Беларусь.
