Дыджэй з Перу Хасэ Карэа зняў на відэа пацука, які паводзіць сябе пад струменямі вады практычна як чалавек. Паводле яго слоў, Карэа проста хацеў прыняць душ, калі заўважыў пацука ва ўмывальніку.
"Ён паводзіў сябе як чалавек. Я ніколі не бачыў нічога падобнага. Гэта працягвалася каля 30 секунд, а затым пацук уцёк прэч. Я думаю, што ён проста хацеў прыняць душ", — сказаў мужчына брытанскай газеце Metro.
У каментарах да відэа карыстальнікі паставілі пад сумненне сапраўднасць роліка. Некаторыя заявілі, што пацук быў спецыяльна навучаны альбо ім кіравалі з дапамогай аніматронікі. Аднак Карэа заклікаў усіх крытыкаў ставіцца да роліка з гумарам.
"Гэта гумарыстычнае відэа, паслабцеся і ўсміхніцеся, каб жыць даўжэй", — напісаў ён.
