МІНСК, 8 лют — Sputnik. Тыдзень беларускай кухні стартуе 12 лютага ў Мінску, пра гэта Sputnik паведамілі ў ГУСР Мінгарвыканкама.
У чарговым, 16-ы Тыдні беларускай кухні прымуць удзел 90 аб'ектаў грамадскага харчавання, якія аб'ядноўвае ідэя папулярызацыі нацыянальнай кухні і развіцця культуры харчавання.
У рамках правядзення Тыдня беларускай кухні гасцям будуць прапанаваныя 5 страў нацыянальнай кухні:
• салата "Грыбны кошык" 115/10/7 — 3 руб. 70 кап.;
• густая поліўка з гарбузом, птушкай і грыбамі 250/40/1 — 3 руб. 50 кап.;
• зраза "Радзівілаўская" з бульбяным пюрэ і грыбамі ў смятане 150/100/50/4 — 8 руб. 00 кап.;
• свіныя рабрынкі ў глазуры з квасу з бульбянымі капыткамі 150/100/30/12 — 9 руб. 00 кап.;
• пышныя блінцы з тварожна-мятным крэмам і клубнічным соусам 100/50/30/4 — 3 руб. 50 кап.
Пры гатаванні страў будзе выкарыстоўвацца адзіная рэцэптура, таксама яны будуць рэалізоўвацца па аднолькавых цэнах незалежна ад тыпу і класа аб'екта грамадскага харчавання.
Тыдзень беларускай кухні будзе доўжыцца з 12 па 18 лютага.
