МІНСК, 16 лют — Sputnik. Камерная сцэна Купалаўскага тэатра на адзін вечар стане канцэртная пляцоўкай — тут адбудзецца выступленне беларускага сінці-поп-гурта ili-ili, паведамілі Sputnik у прэс-службе тэатра.
Заснавальнікі і ўдзельнікі гурта Міхаіл Зуй і Дзмітрый Есяневіч, якія, дарэчы, з'яўляюцца артыстамі тэатра, прадставяць музыку новага фармату.
"Адчуўшы покліч электронных бітаў і сувязь з космасам пост-року, хлопцы заявілі пра час перамен і выпусцілі пілотны трэк пад назвай "Мабыць" — як крок на шляху асэнсавання сябе, уласнай цэльнасці і творчай звышзадачы", — падкрэслілі ў Купалаўскім.
Гурт заснаваны ў 2011 годзе. За гэты час былі выпушчаныя альбомы "Past Perfect" і "List". Зараз артысты пішуць музыку да спектакляў і працуюць над новай праграмай.
Калі: 24 лютага, 20:00.
Дзе: Камерная сцэна Купалаўскага тэатра.
