Дар'я Домрачава, падняўшыся на другую прыступку пастамента, падарыла самыя яркія эмоцыі беларускім заўзятарам.
А вось сваю порцыю пазітыву і простага чалавечага шчасця ў гэты дзень беларуская біятланістка атрымала ад свайго мужа Уле Эйнара Б'ёрндалена. Беларускія СМІ пад тэгам "мілата дня" актыўна распаўсюджваюць фатаграфію гарачага пацалунку, якім муж сустрэў сваю каштоўную ДаДо адразу пасля кветкавай цырымоніі.
І гледзячы на шчаслівую Домрачаву, разумееш — беларуская зборная паступіла на сто адсоткаў правільна, уключыўшы ў свой склад легендарнага біятланіста і даўшы яму магчымасць трапіць на сваю сёмую Алімпіяду не проста гледачом, а паўнапраўным членам каманды.
"Я шчаслівы за Дар'ю, за сябе, за ўсю нашу сям'ю. Гэтая Алімпіяда для нас вельмі цяжкая. Але я ў яе камандзе", — прызнаўся Уле Эйнар Б'ёрндален у інтэрв'ю Sputnik.
Ён распавёў, што ў дзень мас-старту выйшаў на трасу, каб быць бліжэй да Дашы. І чакаў яе на самым цяжкім месцы, дзе найскладаны спуск адразу пераходзіць ва ўздым.
"Сціскаў рацыю, сціскаў і… чакаў. Але потым — як я крычаў, падганяючы яе на фініш!" — Уле Эйнар не хаваў сваіх эмоцый.
На прэс-канферэнцыі Домрачава ў адказ прызнаецца, як ёй была важная менавіта гэтая падтрымка.Милота дня. Бьорндален поздравляет Домрачеву после масс-стартаhttps://t.co/TTq8jC5zXL
— Дарья Домрачева (@domracheva_news) 17 февраля 2018 г.
"Тое, што муж быў на трасе, аказалася для мяне шчаслівым знакам", — сказала яна.
Індывідуальныя выступы беларусак на біятлоннай трасе ў Пхенчхане завяршыліся. Цяпер беларусы з нецярпеннем, надзеяй і верай у цуд чакаюць камандныя старты. Дар'я Домрачава, дарэчы, не выключыла, што, нягледзячы на стомленасць, выступіць і ў міксце.
