МІНСК, 27 лют — Sputnik. Тэмпературны рэкорд бягучай зімы пабіты ў Беларусі: паводле дадзеных Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя, у Клічаве мінулай ноччу была зафіксавана тэмпература —30,4°С.
Карта минимальных температур: https://t.co/eYOa9iyslH
— Блізкі космас (@nadvorie) 27 февраля 2018 г.
Кличев —30.4°, Минск —19.2°.
На карте видно, что в отсутствии ветра самым холодным местом становится район в пойме Днепра. pic.twitter.com/m628qEGGBC
Маразы прыйшлі ў Беларусь у сярэдзіне мінулага тыдня: месцамі начныя тэмпературы паветра наблізіліся да адзнакі —30°С. Сіноптыкі патлумачылі пахаладанне так званым ультрапалярным уварваннем — паступленнем халодных паветраных мас у Беларусь з Арктыкі.
Паводле інфармацыі Гідрамета, мінулай ноччу халадней за ўсё было ў Клічаве (Магілёўская вобласць) — там было зафіксавана паніжэнне тэмпературы да —30,4°С.
Пры гэтым, па дадзеных сіноптыкаў, найбольш моцныя маразы ўначы 27 лютага назіраліся менавіта ў пойме Дняпра — там паўсюдна было ніжэй за —25°С.
Як раней паведамляў Sputnik, напярэдадні Міністэрства адукацыі Беларусі дазволіла школам адмяняць заняткі, калі раніцай будзе халадней за —25°С.
Па папярэдніх прагнозах сіноптыкаў, маразы крыху аслабнуць у другой палове тыдня: начныя тэмпературы будуць не ніжэй за —10°С, днём будзе снег.
