МІНСК, 16 сак — Sputnik. Сумесная акцыя "Беларусьфільма" і "Масфільма" — паказ адрэстаўраванай ваеннай драмы рэжысёра Элема Клімава "Ідзі і глядзі" пройдзе у Мінску да 75-годдзя трагедыі Хатыні, паведамілі Sputnik на беларускай кінастудыі.
Паказ карціны па сцэнару Алеся Адамовіча адбудзецца 19 сакавіка ў Доме кіно.
Прэм'ера фільма адбылася ў 1985 годзе на Маскоўскім міжнародным кінафестывалі. За доўгія гады ён неаднойчы станавіўся ўладальнікам розных прэстыжных кінаўзнагарод, а ў 1985 годзе нават быў намінаваны на "Оскар" як лепшы фільм на замежнай мове.
Па версіі часопіса Time Out "Ідзі і глядзі" ўваходзіць у спіс 50 лепшых ваенных фільмаў усіх часоў, а ў 2008 годзе ён быў уключаны ў спіс 500 найвялікшых фільмаў усіх часоў.
Алесь Адамовіч і тры тэмы яго жыцця — вайна, Курапаты, Чарнобыль>>
Карціну адрэстаўравалі спецыялісты "Масфільма" і ў 2017 годзе яна атрымала галоўны прыз на 74-ым Венецыянскім кінафестывалі ў намінацыі "Венецыянская класіка" за лепшы адрэстаўраваны фільм.
