Чорнае марозіва пачалі выпускаць у Магілёве

© PixabayВафельны ражок, архіўнае фота
Вафельны ражок, архіўнае фота - Sputnik Беларусь
Падпісацца
Чорны колер марозіва з густам парэчкі з журавінавым джэмам набывае з-за дабаўлення харчовага фарбавальніка, які ніяк не адбіваецца на гусце дэсерту.

МІНСК, 22 сак — Sputnik. Выпуск новай прысмакі, якая адпавядае сусветным трэндам, — цалкам чорнага марозіва асвоілі ў Магілёве, паведамілі ў эфіры тэлеканала "Беларусь 4. Магілёў".

Дзяўчынка з марозівам - Sputnik Беларусь
Цёплае марозіва выпусцілі ў Кобрыне

Зараз чорны колер у модзе, і многія сусветныя вытворцы дэсерту ўключылі яго ў свой асартымент. У Магілёве марозіва чорнага колеру выпускаюць з густам парэчкі з журавінавым джэмам. Сам вафельны ражок таксама цалкам чорны.

"Мы туды дадалі харчовы фарбавальнік — раслінны вугаль. Ён ніяк не ўплывае на смак, толькі дае такі насычаны чорны колер. У ражок таксама дададзены такі ж харчовы фарбавальнік", — распавяла вядучы спецыяліст па маркетынгу "Магілёўскай фабрыкі ммарозіва" Анастасія Булава.

На дадзены момант больш ні адзін беларускі вытворца не выпускае чорнае марозіва. Хутка ў крамах з'явіцца першая партыя незвычайнай прысмакі з Магілёва, і кожны жадаючы зможа паспрабаваць яе і зразумець, ці адрозніваецца яна ад марозіва звыклага белага колеру.

Стужка навiн
0