МІНСК, 22 сак — Sputnik. Адборачны тур другога сезона праекта "Ты супер!" падыходзіць да фіналу на канале НТБ.
Па традыцыі, якая была створана ў першым сезоне конкурсу, падтрымліваць юных дараванняў прыходзяць зоркі першай велічыні — акцёры тэатра і кіно, тэлевядучыя і музыканты. Так, у зорную групу падтрымкі ўвайшла вядомая артыстка Алена Варабей — яна прыехала на здымкі шоў спецыяльна для таго, каб убачыць сваю зямлячку Сняжану Гардзеенка з Беларусі.
Сняжана фанатычна любіць музыку, танцы і займаецца рукадзеллем. З пяці гадоў канкурсантка сур'ёзна навучаецца спевам і адказна падыходзіць да кожнага ўрока і выступу. Дзяўчынка марыць, каб ва ўсіх дзяцей была вялікая дружная сям'я, і гэта не выпадкова: ва ўзросце трох гадоў яна стала часткай новай сям'і. На той момант у бацькоў ужо была родная дачка, будучая зорка эстрады стала першым прыёмным дзіцем. Менавіта яна дапамагла тату і маме прыняць важнае рашэнне, дзякуючы якому ў сям'і з'явілася яшчэ сямёра дзяцей.
Юная спявачка сустрэла Алену Варабей разам з мамай Ганнай, якую паклікалі на сцэну члены журы, каб асабіста выказаць захапленне яе таленавітай дачкой. Алена пажадала ўдачы Сняжане і падарыла ўдзельніцы праекта цёплы шалік і плюшавага Пачакуна.
"Я сёння хачу загадаць жаданне і, калі раптам яно збудзецца, я стану яшчэ трошачкі больш шчаслівай. Я вельмі хачу яшчэ раз выйсці на гэтую сцэну і праспяваць разам з табой. Я спадзяюся, што ў нас загарыцца чатыры зялёных агеньчыкі!" — сказала заслужаная артыстка Расійскай Федэрацыі Алена Варабей.
Унікальны вакальны праект "Ты супер!" дапамагае рэалізавацца ў творчасці дзецям са складанымі лёсамі. Ва ўсіх удзельнікаў конкурсу ёсць вопыт пераадолення складаных жыццёвых сітуацый. Цяпер ім трэба даказаць сабе і гледачам, што стаць зоркай толькі дзякуючы таленту цалкам рэальна. "Ты супер!" — праект канала НТБ пра таленавітых дзяцей з неверагодным лёсам!
Даведацца падрабязнасці сустрэчы ўдзельніцы праекта Сняжаны Гардзеенка і вядомай артысткі Алены Варабей гледачы НТБ змогуць 24 сакавіка, у суботу, у 20:00. Прамую трансляцыю сёмага выпуску шоў глядзіце на Sputnik.
Міжнародны конкурс "Ты супер!" праводзяць тэлекампанія НТБ і міжнароднае інфармацыйнае агенцтва і радыё Sputnik. Праект аб'ядноўвае таленты з розных куткоў свету і дорыць дзецям шанец выканаць запаветныя мары.
Sputnik жадае суайчынніцам поспехаў і заклікае падтрымаць беларускіх удзельніц другога сезона вакальнага шоў "Ты супер!". Зрабіць гэта проста — дастаткова прагаласаваць за Веру Ярошык і Сняжану Гардзеенка на сайце НТБ, націснуўшы "палец уверх".
