МІНСК, 30 сак — Sputnik. Студэнт-бюджэтнік у сярэднім абыходзіцца дзяржаве ў тры тысячы рублёў у год, распавёў начальнік галоўнага ўпраўлення прафесійнай адукацыі Міністэрства адукацыі Беларусі Сяргей Каспяровіч.
Кожны год вясной зноў для многіх студэнтаў-бюджэтнікаў востра становіцца пытанне будучага размеркавання — у яго ёсць як праціўнікі, так і прыхільнікі. На думку Каспяровіча, размеркаванне — гарантаванае працаўладкаванне і магчымасць напрацаваць вопыт, а дзяржава на падрыхтоўку спецыяліста траціць немалыя грошы.
"Сумы вар'іруюцца, але ў сярэднім студэнт абыходзіцца бюджэту мінімум у 3 тысячы рублёў штогод. За пяцігадовы тэрмін навучання — адпаведна ў 15 тысяч рублёў. У некаторых выпадках, напрыклад, калі казаць пра медыцынскія спецыяльнасци, гэта можа быць 20 тысяч рублёў і больш", — распавёў Каспяровіч у інтэрвію "Народнай газеце".
З такімі словамі, упэўнены Каспяровіч, цалкам натуральным з'яўляецца тое, што дзяржава мае права настойваць на тым, каб чалавек адпрацаваў пэўны перыяд часу.
"Але што важна — гэта робіцца з адначасовым прадастаўленнем яму цэлага шэрагу сацыяльных ільгот і гарантый", — дадаў прадстаўнік Міністэрства адукацыі.
Улічваючы колькасць прэферэнцый для маладых спецыялістаў, Каспяровіч не згодны з тым, што размеркаванне "выглядае як кабала". Паводле яго слоў, падтрымка дзяржавы асабліва актуальная цяпер.
Віцэ-прэм'ер Васіль Жарко напачатку гэтага года заяўляў аб неабходнасці давесці размеркаванне выпускнікоў-бюджэтнікаў да 100% ўзроўню — ён выступіў супраць так званых "вольных дыпломаў" і заклікаў знаходзіць маладым спецыялістам першыя працоўныя месцы больш актыўна.
