МІНСК, 21 кра — Sputnik. Прэзідэнт Малдовы Ігар Дадон прапанаваў беларускаму лідару Аляксандру Лукашэнку наведаць яго родную вёску, паведаміў ён падчас інтэрв'ю тэлеканалу "Беларусь 1".
На мінулым тыдні прэзідэнт Беларусі знаходзіўся з двухдзённым афіцыйным візітам у Малдове.
"Было шмат ініцыятывы і добрых праектаў, пра якія казалі ўпершыню і запусцілі. Але асабіста для мяне важна было тое, што мы з Аляксандрам Рыгоравічам дамовіліся, што ён прыедзе ў маё роднае сяло восенню гэтага года або наступнага", — адзначыў Дадон.
Малдаўскі лідар таксама паведаміў, што Лукашэнка адказаў на дадзенае запрашэнне згодай.
Дадон дадаў, што ў роднай вёсцы сам робіць віно і паабяцаў навучыць беларускага лідара гэтаму рамяству.
"Ён кажа: "З задавальненне прыедзем. Паглядзім, як збіраеце вінаград. Таму што, можа быць, і ў нас у Беларусі будзем з часам развіваць гэты сегмент", — распавёў кіраўнік Малдовы.
Раней Лукашэнка прызнаўся, што нідзе не адчувае такой настальгіі, як у Малдове.
