У чацвер 3 мая ў выставачным комплексе "БелЭкспа" на праспекце Пераможцаў у Мінску ўжо ў 22-і раз адкрылася Міжнародная выстава "СМІ ў Беларусі". У ліку ўдзельнікаў больш за паўтысячы СМІ — не толькі беларускіх, але і прадстаўнікоў блізкага і далёкага замежжа, сярод якіх і інфармацыйнае агенцтва і радыё Sputnik.
З 3 па 5 мая на стэндзе Sputnik прадстаўлена спецыяльная перасоўная радыёстудыя, праца якой упершыню прэзентаваная менавіта на мінскай пляцоўцы. У дзень адкрыцця выставы госця перасоўнай радыёстудыі — намеснік галоўнага рэдактара МІА "Россия сегодня" Наталля Лосева распавяла пра асноўныя праблемы сучасных СМІ і спосабы барацьбы з імі.
"Fake news — гэта цалкам сабе тэхніка, гэта цэлая стратэгія, механіка і метадалогія "ўкідаў" і маніпуляцый грамадскай думкай, а вось матывы могуць быць розныя — хтосьці проста забаўляецца, а хтосьці выкарыстоўвае гэта для таго, каб вырашаць свае палітычныя або фінансавыя праблемы", — адзначыла Лосева.
На думку суразмоўцы, асноўная роля сучасных СМІ павінна быць у тым, каб стаць фільтрам супраць вялізнай разнастайнасці так званых "укідаў" і "фэйкавых навін".
"Мы павінны стаць фільтрам, так званым "бюро праверкі", рэпутацыя якога і давер да яго настолькі высокія, што да нас прыходзяць людзі, каб сказаць: "Вось нагаварылі сёння шмат ньюзмэйкеры, а што ж на самой справе?" І вось за гэтым "што ж на самой справе" аўдыторыя і будзе прыходзіць у СМІ, адпаведна, адказнасць на нас вельмі высокая", — адзначыла Лосева.
Фрагмент гутаркі з намеснікам галоўнага рэдактара МІА "Россия сегодня" Наталляй Лосевай слухайце на радыё Sputnik Беларусь.
