МІНСК, 27 чэр — Sputnik. Улады іспанскага горада Эстэлья адмаўляюцца, што маюць дачыненне да рэстаўрацыі статуі Георгія Змеяборца XVI стагоддзя, паведамляе The Guardian.
Спроба "асвяжыць" 500-гадовую статую абярнулася скандалам: цяпер святы Георгій можа пахваліцца здаровым колерам твару і яркім даспехам. Мэр горада Кольда Леас паведаміў, што прыход прыняў рашэнне адрэстаўраваць статую, не ўзгадніўшы гэта з уладамі, і наняў для выканання работ мясцовага настаўніка працоўнага навучання.
These "restoration" jobs never fail to leave me speachless. This Spanish 16th century wooden sculpture of St George was helpfully touched up by the local Arts and Crafts teacher. #botched #lookslikeacartoon #greateyebrows pic.twitter.com/zuJpRA3eNH
— rhian wilkinson (@rhirhi8) 27 июня 2018 г.
З-за выкарыстання няправільных тынкоўкі і фарбы помнік быў сапсаваны: "баявая размалёўка" магла пашкодзіць зыходныя пласты фарбы.
Мэр Эстэльі заявіў, што ў царкву ўжо выклікалі экспертаў, якія павінны ацаніць, ці можна вярнуць статую ў першапачатковы стан.
У Беларусі пытанне рэстаўрацыі цэркваў у апошні час паўстала гэтак жа востра. Неабыякавыя грамадзяне збіраюць подпісы супраць "антырэстаўрацыі" — выкарыстання недапушчальных пры абнаўленні матэрыялаў і методык.
Міністэрства культуры адказала на петыцыю, запэўніўшы, што ў сферы культуры прымаюцца неабходныя меры па прыцягненню віноўных асоб да адказнасці, а таксама прывядзенню аблічча помнікаў архітэктуры ў адпаведнасць з гістарычным рашэннем.
